A Fundación FUNDITEA (Fundación para a Promoción de Persoas con diversidade funcional, particularmente Trastorno do Espectro Autista), nace no ano 2007 da inquietude dun grupo de familiares preocupados polo benestar dos seus fillos e fillas e polo seu futuro. Ademais de realizar actividades de apoio e asesoramento ás persoas con diversidade funcional e ás súas familias, a Fundación está orientada a desenvolver todas aquelas actividades e servizos necesarios para cubrir as necesidades detectadas neste colectivo, facendo tamén unha labor proactiva na defensa dos seus dereitos.